थोडा है थोडे की जरुरत है @ 01.08.23
तुम इतना जो … कवी मंडळींचे मला नेहेमीच कौतुक वाटते . सुदैवाने साहित्याचा अभ्यासक बनून राहण्याची संधी परमेश्वराने दिली असल्याने अनेक कवींच्या वेगवेगळ्या कविता वाचण्याची संधी मिळते . माणसाच्या मनाचे किती यथार्थ वर्णन कवी करतात . परवा रेडीओवर अनेक वेळा ऐकलेले एक सुंदर गाणे पुन्हा ऐकण्यात आले . कैफी आझमी यांनी लिहीलेल्या त्या गाण्याच्या ओळी सारख्या मनात रुंजू घालत आहेत . तुम इतना जो मुस्कुरा रहे हो। क्या ग़म है जिसको छुपा रहे हो॥ किती सुरेख वर्णन आहे . एखाद्या हसऱ्या चेहेऱ्यामागचे दुःख समजून घेणे ही किती मोठी पात्रता आहे एखाद्या सुरेख नात्याची . कधी कधी आयुष्यभर सोबत राहुनही नात्यांमधे नेमके काय अपेक्षित आहे हे न कळल्यामुळे नाते दुरावलेली अनेक उदाहरणे आपण बघतो . परंतू या ओळींमधे केलेले वर्णन हे एका अत्यंत संवेदनशील मनाचे चित्रण आहे . एखाद्याला समजून घ्यायचे तर ते या पातळीपर्यंत की ती व्यक्ती जगाच्या दृष्टीने हसत असेल तरी ते हसणे म्हणजे कोणती तरी वेदना ल