थोडा है थोडे की जरुरत है @ 05.9.23
संपर्क त्या भल्या मोठ्या वास्तुसमोर लागलेली नियमावलींची पाटी मी वाचत होतो . तेथे जाताना त्या संपुर्ण परीसरात काय काय नेता येणार नाही व कश्या प्रकारे सुरक्षा तपासणी केली जाईल या सर्व बाबींची एक मोठी यादी तेथे होती . त्यांनी माझ्या जवळची बॅग काढून घेतली . त्यानंतर तपासणीकरीता माझे पैश्याचे पाकीट काढून घेतले . बेल्ट काढून घेतला . खाण्याचे कोणतेही पदार्थ , एवढेच काय पण पाण्याची छोटीशी बाटली देखील त्यांनी आत नेण्यास मनाई केली . आतमधे पिण्याच्या पाण्याची भरपूर व्यवस्था व खाण्याकरीता देखील व्यवस्था आहे असे ते सुरक्षाकर्मी सांगत होते . त्यानंतर त्यांनी माझ्या हातातील स्मार्टवॉच देखील काढूत तेथील लॉकरमधे ठेवायला लावले . परंतू सर्वात मोठी समस्या आली जेव्हा त्यांनी मला मोबाईल फोन देखील लॉकरमधे जमा करायला लावला . विमानामधे बसताना मोबाईल फोन स्कॅन करून तो परत देतात . परंतू येथे तो सोबतच न्यायचा नाही म्हणल्यावर मी एक क्षण थबकलो . त्या भव्य परीसराचा फेरफटका मारायला एकूण चार त