थोडा है थोडे की ज़रुरत है !!

पॉज .. तू अचानक गावाकडे कशी आलीस ? एवढ्या दिवसांनंतर कशी काय गावाची आठवण आली तुला ? तिच्या बालपणीचा मित्र तिला विचारतो . चित्रपटाच्या दिग्दर्शकाने हा शॉट अप्रतिम पोझीशनवर घेतलाय . दोघेही आकाशपाळण्यात बसलेले असतात आणि तो पाळणा हे दोघे वर असताना थांबलेला असतो . गरगर फिरणारा , घाबरवणारा , मनात धडकी भरविणारा , पोटात गोळा आणणारा , आनंद देणारा , एक्साईटमेंट देणारा असा तो पाळणा थांबलेला असतो व ती त्याला तिच्या गावाकडे परतण्याचे कारण सांगत असते .  थ्री ऑफ अस नावाच्या एका आर्ट फिल्म मधील मी वर्णन केलेला हा एक अप्रतिम सीन व त्यामधे सांगितले जाणारे एक जीवनसत्य . दहावीच्या शिक्षणानंतर गाव सोडून शहरात गेलेली ती , नोकरीतील निवृत्तीच्या जवळ पोहोचताना आपल्या नवऱ्यासोबत परत एकदा गावात येते . गावातल्या तिच्या बालपणाला पुन्हा एकदा भरभरून कवटाळण्यासाठी , पुन्हा गावातील शुद्ध हवेमधे मोकळा श्वास घेण्यासाठी , स्वच्छ समुद्रकिनाऱ्यावरील शुभ्र वाळूमधे चालण्यासाठी , गाव सुटल्यापासून आयुष्यातून पार स