थोडा है थोडे की जरुरत है @28.11.23
अवकाळी आता लेख लिहीताना देखील पाऊस सुरु आहे . रात्रभर पाऊस कोसळला . सारे काही आलबेल असताना अचानकच पावसाने लावलेली हजेरी त्रासदायकच ठरते . पण त्याचे नावच अवकाळी पाऊस असे आहे तो निमंत्रण दिल्याविनाच येतो व होत्याचे नव्हते करून जातो . काही दिवसांपूर्वीच वर्तमानपत्रात भरभरून तयार झालेल्या शेतांचा फोटो बघितला . आता त्या पिकांवर या अवकाळी पावसामुळे कीड पडू शकते . मुळात या पावसाचा त्रास होतो व नुकसान जास्त सहन करावे लागते कारण यासाठी आपण तयार नसतो . संभाव्य धोक्याची कल्पना असेल तर आपण त्याचे डीफेन्स मेकॅनीझम तयार करु शकतो . परंतू या अवकाळीचे डीफेन्स मेकॅनीझम तयारच करता येत नाही कारण हा धोका कधी समोर ठाकेल ते सांगताच येत नाही . अगदी असेच काही अवकाळी व आपल्या ध्यानातही येणार नाहीत असे ताण आपल्या मनावर येत असतात . ते अवकाळी असल्याने त्यांच्याशी सामना करण्याचे डीफेन्स मेकॅनीझम आपल्याकडे तयार नसते . त्यामुळे असे ताण आपल्या मनावर साचत जातात , त्यामुळे आपला स्वभाव चिडका बन