थोडा है थोडे की जरुरत है 31.10.23
फोन नंबर अत्यंत जवळचे असलेले व खरा खुरा आधार देणारे माझे एक काका व अमरावती शहरातील ज्येष्ठ धन्वंतरी डॉ . रमेश गोडबोले यांचे अत्यंत दुर्दैवी निधन झाले . काकांचा माझ्या परीवाराला जसा आधार होता तसाच अमरावती शहरातील अनेक परीवारांना होता . अनेकांना त्यांनी जिवनदान दिले आहे . अनेकांची आयुष्ये सावरली . असे आम्हा सर्वांचे आधार असलेले काका अचानक अल्पशा आजारामुळे सोडून गेले . काकांना श्रद्धांजली देण्याकरीता अमरावती शहरातील विविध संस्थांनी मिळून एका मोठ्या सभेचे आयोजन करण्यात आले होते . त्या सभेकरीता काकांच्या जीवनावर एक चित्रफित बनविण्याची जबाबदारी माझ्याकडे देण्यात आली होती . काकांच्या बहुआयामी कार्याचा आढावा घेणारी ती चित्रफीत मी तयार केली . परंतू नेमके श्रद्धांजली सभेच्या दिवशी एका महत्वाच्या कामानिमित्त परगावी गेल्यामुळे मी त्या सभेला उपस्थित राहू शकलो नाही . माझ्या अनुपस्थितीतच ती चित्रफीत तेथे दाखविण्यात आली . मी रात्री परतलो तेव्हा बऱ्याच मित्र मंडळींचे फोन आले . चित्रफित